Mini career of Dior - Бўлажак касбдошлар (Худо хоҳласа)

Ҳозир 19 даман. Демак 20 га ҳам тўлмаганман J Шунга қарамай ишларим яхши. Ўз сохамни ўзимга кераклича тушунишим мени доим қувонтириб келади.
Режалар кўп. Ё вақт етмаяпти ҳаммасини бажаришга, ёки имконият. Балки энг катта душманим эринчоқлигим халақит бераётгандир.
Ўхшатмагунча учратмас деганларидек, ҳамфикрларим ҳам ўзимга ўхшаган. Ҳаммаси эринчоқ болалар J

Муҳрим Аъзамхўжаев (Тошкент) – ҳамма учун керакли шахс (Просьба! Мухриму читать запрещается). Этган нарсангизга ҳеч қачон йўқ демайди. Агар қилиш ўта зарур бўлса амаллаб тайёрлаб беради. Озгина енгиллик жойи бўлса... илхоми келишини кутиб ўтираверасиз J Яхшиси уни кутмаган маъқул. Чунки илхом шу қадар кам йўқлайди-ки, ўшанда ҳам ўзи истаган мавзуда ёза бошлайди.

Элбек Боймуродов (Қашқадарё) – Ҳаммамиздан ёши катта бўлгани учун деярли жиннилик қилмайди. Аммо бизнинг эркаликларимизни бемалол кўтаради. Мантиқда у билан тенглашишимиз қийин. Аммо фалсафани жини суймайди. Бунга фалсафа эмас, балки ўқитувчи айбдор бўлса ажаб эмас. Унга ҳамма нарсани ишонса бўлади. Боиси кайфияти ўзгариб турмайди J

Эркин Қурбонов (Қашқадарё) – жиддий бўлса бунга ҳам ишониш мумкин. Шунга қарамай унинг ножиддий бўлиши кўпроқ ёқади. Умуман кайфиятингни кўтаради. Битта айби – ўзига ишончи камроқ. Иккинчи айби “йўқ” деёлмайди. Шунинг учун ҳам ўзини ҳар доим қийнаб келади.

Асрор Мансуров (Сурхондарё) - ...фақат шунга учта нуқта тушдими?! Маъсулият “0”. Агар шунга эга бўлса, қолганидан кўнгил тўқ. Ишини устаомонлиги билан битиради J Конкретна бўлиши учун кўпроқ ҳаракат қилиши керак бўлса керак. Ҳаётда эса яхши дўст!  

Мансур Жумабоев (Сирдарё) - ...унга гап йўқ! Ҳавас қиламан. Кўп нарсани билади, кўп ўқийди ва кўп ҳаракат қилади. Унинг келажагига тўлиқ ишонаман. Агар жамоамда шунақа йигитдан яна битта бўлса, бизни ҳеч ким енга олмайди.

Бобур Жалолов (Андижон) – унинг ҳам ишлари яхши. Фақат... доим тетик юрмайди. Инсон аввало ўзини хурмат қилиши керак. У эса ўзига эътибор ҳам бермаса керак. Оқибатда оддий ишчи бўлиб етишмаса бўлгани. Роса афсусланаман шундай бўлса. Чунки матбуот сохасида ўз фикри ва қарашлари бор. 

Менимча бўлди... Шуларнинг ўзи... Айни дамда радиода ўтириб шулар ҳаёлимга келди. Ўнг тарафимда хурмат қиладиган аёлларимдан бири Малика опа Холматова ўтирибдилар. Майкл Жексонни шунчалик яхши кўришларини у ўлгандан кейин билдим J Хуллас унинг учун кўзларидан ёш чиқди...
Айни пайтда кайфиятим яхши. Аъло бўлишига “Келажак овози” гаазетаси халақит бермоқда. Ҳамма айб ўзимизда, охири ўйламасдан ҳамма ишни бошлаб қўямиз. Ўртасига келганда эса...яна эринчоқлик. Эй Худо, ўзинг мадад бер!